All posts by admin

brasil-solar

Մասրիկ-1: պետություն-մասնավոր համագործակցությունը ի նպաստ արդյունաբերական մասշտաբի արևային էներգետիկայի զարգացման

2015 թվականին Հայաստանի Հանրապետության և Վերակառուցման և զարգացման միջազգային բանկի միջև ստորագրվեց դրամաշնորհային մի համաձայնագիր, որով սկիզբ դրվեց Արդյունաբերական մասշտաբի արևային էներգիայի ծրագրի մեկնարկը: Երեք տարի անց 2018 թվականի մարտի 27-ին Ծրագիրը արձանագրվեց այդ տարիների ընթացքում կատարված ծավալուն աշխատանքների կարևոր արդյունքներից մեկը: Մասրիկ-1 55 ՄՎտ հզորությամբ արևային էլեկտրակայանի համար կազմակերպված մրցույթի շրջանակում բացվեցին ներդրող ընկերությունների ֆինանսական փաթեթները և հայտնի դարձավ ամենացածր էլեկտրաէներգիայի սակագին առաջարկած ընկերության անունը: Նվազագույն սակագնի առաջարկը ստացվել է Նիդերլանդներից Ֆոտովատիո Ռենյուաբլ Վենչրս Բի.Վի. (Fotowatio Renewable Ventures B.V) և Իսպանիայից ԷֆԷսԷլ Սոլար Էս.Էլ. (FSL Solar S.L.) համաշխարհային առաջատար ընկերություններից կազմված կոնսորցիումի կողմից: Առաջարկվող սակագնի չափն է 0.0419 ԱՄՆ դոլլար՝ առանց ԱԱՀ-ի (20.11 դրամ): Համեմատության համար նշենք, որ ներկայումս Հայաստանում գործող բնական ջրահոսքերի վրա փոքր հիդրոկայանների համար սակագինը 23.8 դրամ է:

Ստացված արդյունքները վկայում են այն մասին, որ արդեն այսօր Հայաստանում արևային ֆոտովոլտային էներգետիկան ի զորու է հաջողությամբ մրցակցել էներգետիկայի այլ ճյուղերի հետ, երկրի էներգետիկ հաշվեկշում հավակնել շատ ավելի բարձր կշռի և առաջընթացի նոր թափ հաղորդել Հայաստանի էներգետիկ անվտանգության և անկախության ապահովման գործին:

Նշենք, որ Մասրիկ-1 կայանը նախատեսվում է կառուցել Գեղարքունիքի մարզի Մեծ Մասրիկ համայնքում՝ ամբողջությամբ օտարերկյա ներդրումների ներգրավմամբ: Կայանի համար ընտրված տարածքում առկա են ժամանակակից հզոր ֆոտովոլտային կայան կառուցելու համար անհրաժեշտ բոլոր պայմանները: Կայանի հզորությունը թույլ կտա տարեկան արտադրել մինչև 120 մլն կՎտ·ժամ էլեկտրաէներգիա: Ակնկալվող ներդրումների չափը մոտ 50 մլն ԱՄՆ դոլար է:

Մասրիկ-1 ծրագրի ներդրողների մրցույթի սկիզբը դրվեց 2017 թ. փետրվարին Երևանում կայացած «Էներգետիկայի շաբաթ» միջոցառմանը, որին մասնակցեցին հիսունից ավելի արտերկրի ընկերությունների ներկայացուցիչներ: Ներդրողների բարձր հետաքրքրությունը հաստատվեց նաև ծրագրի նախաորակավորման փուլում: Մրցույթի հայտեր գնեցին յոթ տասնյակից ավել ընկերություններ Եվրոպայից, ԱՄՆ-ից, Չինաստանից, Հնդկաստանից, Հարավային Աֆրիկայից և այլ երկրներից: Քսան ընկերություն ներկայացրեցին հայտեր, որոնցից տասը հաղթահարեցին նախաորակավորման շեմը, իրավունք ստացան մասնակցել մրցույթի գլխավոր փուլին և ներկայացնել իրենց ձեռնտու սակագինը:

Հավելենք, որ վերջին երեք տարիների ընթացքում ՀՀ կառավարության, ՀՀ էներգետիկ ենթակառուցվածքների և բնական պաշարների, ՀՀ հանրային ծառայությունները կարգավորող հանձնաժողովի, Հայաստանի վերականգնվող էներգետիկայի և էներգախնայողության հիմնադրամի և նրա խորհրդատուների ջանքերի, ինչպես նաև Համաշխարհային Բանկի անմիջական աջակցությամբ իրականացված աշխատանաքները ներառել են ոչ միայն Մասրիկ-1 ծրագիրը, այլ նաև Հայաստանի արևային ներուժի գնահատումն ու ճշգրտված արևային քարտեզների մշակումը միջազգային խորհրդատվական ընկերության կողմից, խոշոր արևային կայաններ կառուցելու նպատակով ընդհանուր 120 ՄՎտ հզորությամբ թվով վեց տեղանքների ընտրությունը, այդ կայանների ներդրողների մրցույթների կազմակերպման համար անհրաժեշտ ամբողջական փաստաթղթերի պատրաստումը՝ ներառյալ տեխնիկա-տնտեսական հիմնավորումները:

DSC_0024-2

Կայացավ Մասրիկ- 1 արևային ֆոտովոլտային ծրագրի նախամրցութային կոնֆերանսը

2018 թվականի հունվարի 31-ին Երևանում տեղի ունեցավ «Հայաստանում արդյունաբերական մասշտաբի Մասրիկ-1 արևային ֆոտովոլտային ծրագրի» նախամրցութային կոնֆերանսը, որը կազմակերպել էր Հայաստանի վերականգնվող էներգետիկայի և էներգախնայողության հիմնադրամը:

Համաժողովի հանդիսավոր բացմանը ողջույնի խոսքով հանդես եկան փոխվարչապետ, ՀՀ միջազգային տնտեսական ինտեգրման և բարեփոխումների նախարար Վաչե Գաբրիելյանը, Համաշխարհային բանկի Հայաստանյան գրասենյակի տնօրեն Սիլվի Բոսութղոն, ՀՀ էներգետիկ ենթակառուցվածքների և բնական պաշարների նախարարի տեղակալ Հայկ Հարությունյանը, Հայաստանի վերականգնվող էներգետիկայի և էներգախնայողության հիմնադրամի տնօրեն Արմեն Մելկիկյանը:

Կոնֆերանսին մասնակցում էին ներկայացուցիչներ նախաորակավորումն անցած ընկերություններից, գործարքի խորհրդատու ընկերություններից, ՀՀ հանրային ծառայությունները կարգավորող հանձնաժողովից, ՀՀ էներգետիկ ենթակառուցվածքների և բնական պաշարների նախարարությունից, Հայաստանի էլեկտրական ցանցերից, Հայաստանի էներգետիկ սեկտորը ներկայացնող այլ ընկերություններից, միջազգային ֆինանասական կազմակերպություններից, Հայաստանյան բանկերից, հրավիրված այլ հյուրեր:

Կոնֆերանսի ընթաքում զեկուցողները ներկայացրեցին ծրագրի նախապատրաստական աշխատանքները, մրցույթի հիմնական ընթացակարգերը և ժամանակացույցը, ծրագրի կողմերի միջև կնքվելիք պայմանագրերի հիմնական դրույթները, ծրագրի հնարավոր սոցիալական ազդեցությոնների մեղմացման մեխանիզմները: Նախաորակավորումն անցած ընկերությունների ներկայացուցիչներին տրվեց հնարավորություն կոնֆերանսի մյուս մասնակիցներին ուղղել հարցեր և ստանալ պարզաբանումներ:

Հիշեցնենք, որ Մասրիկ-1 Ծրագրով նախատեսվում է ՀՀ Գեղարքունիքի մարզի Մեծ Մասրիկ համայնքի վարչական տարածքում կառուցել 46-55 ՄՎտ դրվածքային հզորությամբ արևային ֆոտովոլտային կայան: Կայանի նախագծման, ֆինանսավորման, կառուցման, տնօրինման և շահագործման նպատակով հայտարարվել է մրցույթ, որի արդյունքները նախատեսվում է ամփոփել 2018թ. գարնանը:  Հաղթող կճանաչվի այն ընկերությունը կամ կոնսորցիումը, որը կառաջարկի աﬔնացածր սակագինը:

Նկարներ

18813339_740846939409320_7129917311313782878_n

Համաշխարհային բանկի ներկայացուցիչներն այցելեցին Հայաստանի ազգային արխիվ

Համաշխարհային բանկի ներկայացուցիչներն այցելեցին Հայաստանի ազգային արխիվ, որտեղ Վերականգնվող էներգետիկայի և էներգախնայողության հիմնադրամը Համաշխարհային բանկի կողմից ֆինանսավորվող Էներգախնայողության ծրագրի շրջանակներում իրականացրել է էներգախնայողական միջոցառումներ:

Համաշխարհային բանկի Ռազմավարության և գործառնությունների տնօրեն տիկին Մարիամ Ջ. Շերմանը և Հարավային Կովկաս գրասենյակի տնօրեն տիկին Մերսի Տեմբոնն Վերականգնվող էներգետիկայի և էներգախնայողության հիմնադրամի տնօրեն Արմեն Մելկիկյանի և տեխնիկական խմբի ղեկավար Հրանտ Տեր-Գաբրիելյանի ուղեկցմամբ այցելեցին Հայաստանի ազգային արխիվ: Արխիվի տնօրեն Ա. Վիրաբյանը ներկայացրեց ծրագրի արդյունքները, ցույց տվեց կատարված ԷԽ աշխատանքները, հաստատեց օբյեկտում զգալի էներգախնայողության մակարդակը, հարմարավետության բարձրացման աստիճանը և արխիվային նյութերի պահպանման պայմանների զգալի բարելավումը:

DSC_0335-2

Ավարտվեցին էներգախնայողության աշխատանքները տիկնիկային թատրոնում

2016թ. հունվարի 22-ին Հովհաննես Թումանյանի անվան պետական տիկնիկային թատրոնում տեղի ունեցավ Հայաստանի վերականգնվող էներգետիկայի և էներգախնայողության հիմնադրամի կողմից իրականացվող էներգախնայողության ծրագրի շրջանակներում  թատրոնի լուսավորության համակարգի արդիականացման միջոցառումների շնորհանդեսը: Continue reading

Slide1

Ուսումնական շրջայց Հայաստանում շենքերումէներգաարդյունավետության, վերականգնվող էներգիայի ևայլ էկո լուծումների վերաբերյալ

Slide1Երևան, Հայաստան – Ժամանակակից էներգաարդյունավետության լուծումներով ճարտարապետության օրինակներ տեսնելու նպատակով արտերկիր մեկնելու ժամանակները անցյալում են:

Սույն թվականի մայիսի 18 – 21-ին Հայաստանի ամերիկյան համալսարանի Յակոբեան բնապահպանական կենտրոնը ՀՀ էներգետիկայի եվ բնական պաշարների նախարարության հետ համատեղ իրականացրեցին ուսումնական շրջայց շենքերում էներգաարդյունավետության, վերականգնվող էներգիայի և այլ էկո լուծումների վերաբերյալ Հայաստանում: Slide2Ծրագրի մասնակիցները Սյունիքի մարզից հանրային ծառայողների, շինարարների, գիտական աշխատողների և ՀԿ-ների անդամների 15 անձից բաղկացած խումբ էր: Այս միջոցառման նպատակն էր կրթելը և առ այսօր երկրի ներսում ունեցած հաջողություններին նոր ընթացք տալը:

«Առ այսօր Հայաստանում մենք ունենք մի շարք հաջողություններ և լավագույն կիրառումներ կապված կառուցապատ միջավայրում էներգաարդյունավետության, վերականգնվող էներգիայի և ընդհանուր էկո լուծումների հետ: Հաջողություններ, որոնք ճանաչվել են համաշխարհային Slide3հավաստագրեր տրամադրող գործակալությունների կողմից», – նշեց ՀՀ էներգետիկայի և բնական պաշարների փոխնախարար պրն. Հայկ Հարությունյանը:

Ազգային շրջայցի նպատակն էր մասնակիցներին ցույց տալ շենքերում էներգաարդյունավետության լուծումների հաջողված իրականացումները կամ փորձերը, ինչպես նաև, օգտագործելով այս ազգային շրջայցը, լրատվամիջոցների օգնությամբ շենքերում էներգաարդյունավետության վերաբերյալ իրազեկման մակարդակի բարձրացումը՝ ազգային և տեղական մասշտաբով: Ուսումնական շրջայցի մասնակիցներն Slide4այցելեցին ՄԱԿ-ի զարգացման ծրագրի փորձնական շենքեր, Ավետիսյան դպրոցը և Դիլիջանի միջազգային դպրոցը, Գյումրու Կարիտաս վերականգնողական կենտրոն, ինչպես նաև Նուբարաշենի թափոնակուտակիչում կենսագազի հավաքման և այրման կայան:

«Հայաստանի ամերիկյան համալսարանի և առհասարակ համալսարանների դերը պետք լինի հավաքել այս փորձերն ու դասերը և դարձնել դրանք օգտակար և Slide5հասանելի հանրության համար»,- նշեց ՀԱՀ Յակոբեան բնապահպանական կենտրոնի տնօրեն պրն. Ալեն Ամիրխանյանը:

Ուսումնական շրջայցը կազմակերպվել է ԵՄ Սևծովյան ավազանի շենքերի էներգաարդյունավետության նախագծի շրջանակներում, որի նպատակն է տեղական վարչական կարողությունների ամրապնդման միջոցով ստեղծել ուժեղ ռեգիոնալ Slide6գործընկերություն և համագործակցություն Սևծովյան ավազանի երկրների միջև շենքերում էներգաարդյունավետության ոլորտում, որը տեղական և գլոբալ առումով խոշոր բնապահպանական և տնտեսական ազդեցություն ունի:

5

Երկօրյա սեմինար Ենոքավանում

Մարտի 14-ից 15-ը ՀՀ էներգետիկայի և բնական պաշարների նախարարության նախաձեռնությամբ նախարարության աշխատակիցները ի դեմս նախարարի տեղակալ Հայկ Հարությունյանի և Հայաստանի վերականգնվող էներգետիկայի և էներգախնայողության հիմնադրամի անձնակազմը  երկօրյա սեմինար անցկացրեցին ՀՀ Տավուշի մարզի  Ենոքավան գյուղում: Շրջայցի ընթացքում Ենոքավան գյուղի գյուղապետը, Ենոքավանի զարգացման հիմնադրամի  և համայնքի ներկայացուցիչները ներկայացրեցին գյուղի հիմնական դպրոցի, մանկապարտեզի, համայնքային կենտրոնի, գյուղի բնակչիչների կենցաղային խնդիրները, որոնց հնարավոր լուծումները քննարկվեցին սեմինարի ընթացքում: 11072499_1084749851551413_1502617137_nՔննարկվեցին նաև գյուղի գյուղատնտեսության և զբոսաշրջության պոտենցյալը, դրանց զարգացման խթանները, ինչպես նաև թիմային աշխատանքում առաջ եկած առաջարկությունների իրագործելիությունը: Սեմինարի հիմնական շեշտադրումն էր Ենոքավան գյուղը դարձնել Հայաստանում նախատիպը չունեցող «Էկո գյուղ», որի ենթակառուցվածքները կգործեն բնական և վերականգնվող պաշարների սպառման ամենաարդյունավետ և էներգախնայող համակարգերի միջոցով: Սեմինարի ընթացքում որոշվեց բոլոր առաջարկությունների և խնդիրների հնարավոր լուծումները համակարգել և այնուհետև նորացված ծրագրով ներկայացնել քննարկման:

DSC_0218

Այսօր մեկնարկեց Հայաստանի վերականգնվող էներգետիկային նվիրված երկօրյա համաժողովը

ՀՀ էներգետիկայի և բնական պաշարների նախարարության նախաձեռնությամբ և  Հայաստանի վերականգնվող էներգետիկայի և էներգախնայողության հիմնադրամի և Կոնրադ Ադենաուեր հիմնադրամի օժանդակությամբ դեկտեմբերի 10-ին տեղի է ունեցել Հայաստանում վերականգնվող էներգետիկային նվիրված համաժողով: Համաժողովին մասնակցել են ոլորտին առնչվող պետական կառույցների, միջազգային կազմակերպությունների ու ծրագրերի, հասարակական և ֆինանսական կազմակերպությունների ներկայացուցիչներ, ներդրողներ, փորձագետներ և այլ շահագրգիռ անձինք: Continue reading

DSC_0044

Հաջողությամբ ավարտվեցին էներգախնայողության միջոցառումների իրականացման աշխատանքները Երևանի թիվ 63 մանկապարտեզում

Հայաստանի վերականգնվող էներգետիկայի և էներգախնայողության հիմնադրամի կողմից իրականացվող Սևծովյան ավազանի երկրների 2007-2013թթ. էներգախնայողության պլանի մշակման համատեղ գործողությունների ծրագրի /GA3.3 փորձնական ծրագրերի իրականացում բաղադրիչի/ Continue reading

dsc_0280-2

Մեկնարկեց ավանդույթ դարձած “Էներգետիկայի շաբաթ 2014” միջոցառումների շարքը

Այսօր մեկնարկեց ավանդույթ դարձած “Էներգետիկայի շաբաթ 2014” միջոցառումների շարքը, որը կազմակերպվել էր Հայաստանի վերականգնվող էներգետիկայի և էներգախնայողության հիմնադրամի և Էքսպոմեդիա ցուցահանդեսների նախագծման կենտրոնի համատեղ ջանքերով: Համաժողովի հանդիսավոր բացմանը ներկա էին ՀՀ էներգետիկայի և բնական պաշարների նախարար Երվանդ Զախարյանը, ՀՀ էներգետիկայի և բնական պաշարների dsc_0273-2փոխնախարարներ Արեգ Գալստյանը, Արա Սիմոնյանը, Փոքր ՀԷԿ-ի միության նախագահ Նաիրա Նաhապետյանը, Հայաստանի վերականգնվող էներգետիկայի և էներգախնայողության հիմնադրամի տնօրեն Թամարա Բաբայանը, միջազգային կառույցների ղեկավարներ և ներկայացուցիչներ, հասարակական և ֆինանսական կազմակերպությունների ներկայացուցիչներ, ներդրողներ, փորձագետներ, այլ շահագրգիռ անձինք և բազմաթիվ հյուրեր: Միջոցառման սկզբնական մասում մասնակիցները շրջեցին ցուցահանդեսին ներկայացված տաղավարներով և ծանոթացան ոլորտը ներկայացնող կազմակերպությունների գործունեությանը: Այնուհետև մեկնարկեց երկօրյա միջոցառումների առաջին մասը, որը նվիրված էր Հայաստանում էներգախնայողության ոլորտում վերջին զարգացումներին, ներառյալ օրենսդրական բարեփոխումները, ֆինանսավորման հնարավորությունները, տեխնոլոգիական նորույթներն ու մոտ հեռանկարի ծրագրերը: “Էներգետիկայի շաբաթ 2014” միջոցառումներն ընդգրկեցին պլենար նիստեր, կլոր սեղան-քննարկումներ և մամլո ասուլիս: Օրակարգը բավականին բովանդակալից նկարագրում էր Էներգախնայողության օգուտները, թե ինչ նպատակ ունի էներգախնայողությունների գործողությունների ազգային ծրագրի ընդունումը, էներգետիկ հաշվեկշռի կազմումը, ինչպես կարող է էներգախնայողության խթանումն օժանդակել սոցիալական նշանակության կազմակերպություններին, անապահով ընտանիքներին, համայնքներին, գազի և էլեկտրաէներգիայի սակագներին, dsc_0323-2երկարաժամկետ ֆինանսավորման հնարավորությունները, տեղեկատվական և իրազեկման միջոցառումները, Էներգախնայողության խոչընդոտները և մարտահրավերները մասնավոր հատվածի, ֆինանսական կառույցների և բնակչության ներգրավման համար: Ելույթներով հանդես եկան ոլորտը ներկայացնող մի շարք պետական և հասարակական կազմակերպությունների ներկայացուցիչներ, ներկայացրեցին իրենց կողմից կատարված աշխատանքները, կիսվեցին իրենց փորձով, հնչեցրեցին ոլորտի կարգավորման համար մի շարք առաջարկություններ: Տեղի ունեցան նաև հարակից քննարկումներ՝ Էներգախնայողության տեխնոլոգիաների և շինարարության ոլորտի վերաբերյալ: Մի շարք կազմակերպությունների ներկայացուցիչներ ներկայացրեցին ինովացիոն տեխնոլոգիաների, ջեռուցման համակարգերի, ծախսված ջերմության վերականգնման տեխնոլոգիաների, արդյունավետ պատող կոնստրուկցիաների, շինարարական ջերմամեկուսիչ նյութերի, ջերմամեկուսացման տեխնիկական լուծումների վերաբերյալ իրենց զեկույցները:

P1170664

Սևծովյան ավազանի գործընկեր պետությունների երրորդ աշխատանքային հանդիպումը տեղի ունեցավ հունիսի 12-13-ին Մոլդովայի Կահուլ քաղաքում

P1170689Ս.թ. հունիսի 12-13-ը Մոլդովայում, Կահուլ քաղաքում Սևծովյան ավազանի երկրների 2007-2013 թվականների Էներգախնայողության պլանի մշակման համատեղ գործողությունների ծրագրի շրջանակներում կայացավ գործընկեր պետությունների երրորդ աշխատանքային հանդիպումը: Հանդիպմանը մասնակցում էին Հայաստանի, Մոլդովայի, Հունաստանի, Ռումինիայի և Թուրքիայի ներկայացուցիչները: Հանդիպմանը մասնակից պետությունների ներկայացուցիչները հանդես եկան զեկույցներով: Աշխատանքային երկու օրերի ընթացքում տեղի ունեցան բուռն քննարկումներ գործընկեր կազմակերպությունների ներկայացուցիչների մասնակցությամբ, որոնք մանրամասն ներկայացրեցին ծրագրի առաջընթացը, կատարված աշխատանքները, առկա խոչընդոտները, մարտահրավերները, ֆինանսավորման մեխանիզմները, հնարավորությունները և այլն: Հանդիպման ընթացքում մասնակիցները հանդես եկան զեկույցներով: Հանդիպման ընթացքում քննարկվեցին բազմաթիվ հարցեր ծրագրի ընթացքի վերաբերյալ և միաժամանակ կազմվեց հետագա աշխատանքների պլանը: Քննարկվեց ծրագրի շրջանակներում ստեղծված Վեբ կայքի վերաբերյալ բազմաթիվ հարցեր: